Սիրված երգիչ ու դերասան Միհրան Ծառուկյանի ստեղծագործական գործունեությունը 2012թ. ևս հագեցած է լինելու` համերգներ, տեսահոլովակներ: Կշարունակվեն նկարահանումները նաև ''Դժվար ապրուստ'' հեռուստասերիալում: լրատվականի թղթակցի հետ զրույցում Միհրանը նշեց, որ երգելն ու սերիալում նկարահանվելը չեն խանգարում իրար, մեկը մյուսից չի տուժում: ''Այնպես եմ կազմակերպում ամեն ինչ, որ հասցնեմ, ինչ վերաբերում է սերիալին, երկար մտածելուց հետո եմ որոշել նկարահանվել'',- ասաց նա: Հարցին` հնարավո՞ր է այլ սերիալներում ևս նկարահանվեք, թե ''Դժվար ապրուստ''-ը կլինի առաջինն ու վերջինը, Միհրան Ծառուկյանը պատասխանեց. ''Չեմ կարող ասել. հնարավոր է ֆիլմում նկարահանվելու այնպիսի առաջարկ լինի, որ համաձայնեմ'': Ձեր երկրպագուներին այսօր առավել հետաքրքրում են շրջանառվող լուրերը, թե Դուք նշանվել եք և պատրաստվում եք ամուսնանալ, ի՞նչ կասեք այդ մասին` Միհրանը պատասխանեց. ''Նման բան չկա, ընկերուհի չունեմ, այս տարվա ամուսնության ծրագրեր էլ չկան, մտքովս չի անցնում, եթե լինի, կասեմ'':
|
